ಕವನ: ಸ್ವರ - ನಶ್ವರ

(೪ - ೧೨ - ೨೦೧೧ರಂದು ಮೈಸೂರಿನ "ಆಂದೋಳನ" ಪತ್ರಿಕೆಯಲ್ಲಿ ಪ್ರಕಟವಾದ ಕವನಗುಚ್ಚ)

-  ೧ -

ಮೂವತ್ತು ನಲವತ್ತು ಮುಡಾ

ಸೈಟು ಕೇಳಿದೆ.

ಹೋಗ್ಹೋಗು ಮೂಢಾ

ಅಂದರು.

ಆರಡಿ ಮೂರಡಿ...

ರಾಗ ಎಳೆದೆ.

ಈಗಲೇ ತೆಗೆದುಕೋ

ಅಂದರು.

- ೨ -

ಬೆಂಗಳೂರಿನಿಂದ ಮೈ

ಸೂರಿಗೆ ಬಸ್ಸಿನಲ್ಲಿ ಮೂರೂವರೆ

ಗಂಟೆಗಳ ಪಯಣ.

ಹಿಂದೆ ಮೂರು

ಗಂಟೆಯೊಳಗೇ ತಲುಪುತ್ತಿದ್ದ

ನೆನಪು.

ಈಗಲೂ ಹೋಗಬಹುದು ಹಾಗೆ

ಮೂರು ಎರಡೂ ಮುಕ್ಕಾಲು

ಒಂದೂಕಾಲು ಕಾಲು

ಗಂಟೆಗೇ

ಜೀವ.

- ೩ -

ಮೈ

ಸೂರು

ಹೀಗಿರಲಿಲ್ಲ ಹಿಂದೆಲ್ಲಾ

ಸೂರು ನಾಕು

ಹನಿ ಕಂಡರೆ ಸಾಕು

ಮೈ

ಎಲ್ಲಾ ತಂಪಾಗಿಬಿಡುತ್ತಿತ್ತು.

ಈಗ ಮೈ

ನಸು ಬಿಸಿ

ಆದರೆ ಸಾಕು

ಸೂರು ಹೊತ್ತಿ

ಉರಿಯುತ್ತದೆ.