ನನಗಿಷ್ಟವಾದ ನನ್ನ ಹದಿಮೂರು ಕಥೆಗಳು ನಿಮಗೂ ಇಷ್ಟವಾಗಬಹುದು! ಓದಿ ನೋಡಿ.

ಪ್ರೇಮತಾಣದ ಹೊಸ್ತಿಲಲ್ಲಿ ಒಂದು ನಿಮಿಷ...

ನಿಮ್ಮ ಅನಿಸಿಕೆಗಳು ನನಗೆ ಅಮೂಲ್ಯ
ಇಲ್ಲಿನ ಬರಹಗಳು ನಿಮಗೆ ಹೇಗನ್ನಿಸುತ್ತೆವೆ? ಇಷ್ಟ? ಅಥವಾ ಬೇರೇನಾದರೂ...? ಏನಾದರೂ ಪ್ರಶ್ನೆ? ನನ್ನೊಡನೆ ಹಂಚಿಕೊಳ್ಳಿ. ಬರಹದ ಕೆಳಗೆ ನಿಮ್ಮ ಅನಿಸಿಕೆ ದಾಖಲಿಸಬಹುದು. ಸಾರ್ವಜನಿಕವಾಗಿ ಹೇಳಲು ಸಂಕೋಚವೇ...? ಅಥವಾ ಏನಾದರೂ ಗುಟ್ಟು? ಚಿಂತೆ ಬೇಡ. ಇದು ನನ್ನ ಇಮೇಲ್ ವಿಳಾಸ, ನಿಮಗಾಗಿ: cherryprem@gmail.com

ನನಗಿಷ್ಟವಾದ ನನ್ನ ಹದಿಮೂರು ಕಥೆಗಳು ನಿಮಗೂ ಇಷ್ಟವಾಗಬಹುದು! ಓದಿ ನೋಡಿ...
(ಓದಬೇಕೆನಿಸುವ ಕಥೆಯ ಶಿರ್ಷಿಕೆಯ ಮೇಲೆ ಕ್ಲಿಕ್ ಮಾಡಿ)
೧. ಕನ್ನಡಿ ೨. ಧೂಳುಮರಿ ೩. ಬಾಳಿಗೊಂದಿಷ್ಟು ಗಾಳಿ ೪. ಕಾಗದದ ದೋಣಿಗಳು ೫. ಕಥೆಗೊಬ್ಬಳು ನಾಯಕಿ ೬. ಪಾಸ್‍ವರ್ಡ್ ೭. ದಾರಿ ೮. ಪಾತ್ರ ೯. ಗಾಯ ೧೦. ಭೂಮಿ - ಹೆಣ್ಣು
೧೧. ಎಲ್ಲೆಲ್ಲಿಂದಲೋ ಬಂದವರು ಮತ್ತು ಏನೇನೋ ಆದವರು ೧೨. ಯಾನ ೧೩. ಬೆಂಗಳೂರು ಮಾಫಿಯ


ಇನ್ನು ನೀವುಂಟು, ನಿಮ್ಮ ಪ್ರೇಮತಾಣವುಂಟು...

Friday, October 21, 2011

"ಕನ್ನಡತೀ..." ಒಂದು ತುಂಟ ಕವನ

(ಇದೊಂದು ತುಂಟ ಕವನ.  ಹಲವಾರು ವರ್ಷಗಳ ಹಿಂದೆ ಬರೆದದ್ದು.  ಈಗ ಇಂಥವನ್ನು ಬರೆಯಲಾಗುವುದಿಲ್ಲ,  ಓದಿ ಒಮ್ಮೆ ನಕ್ಕುಬಿಡಿ.)

ಕರಾವಳಿಯ ಕನ್ಯೆಯರು
ಭಾವನೆಗಳೇ ಇಲ್ಲದ
ಬರಡು ಬೇತಾಳಗಳು.

ಮಲೆನಾಡ ಬೆಡಗಿಯರೋ, ಅಬ್ಬ!
ಕುದಿವ ಹಂಡೆ.
ನವಭಾವಗಳು ಉಕ್ಕಿ ಹರಿವ
ಹುಚ್ಚುಹೊಳೆ ದಂಡೆ.

ಮಹಾರಾಜರ ಮೈ
ಸೂರಿನಲ್ಲಿ ಮಹಾರಾಣಿ
ಯರಾರೂ ಈಗಿಲ್ಲ.
ಹೆಜ್ಜೆಹೆಜ್ಜೆಗೆ ಎದುರು 'ಸಿಕ್ಕು'
ವವರು ಈ ಗಳಿಗೆ ಮುದ್ದುಕೋಳಿಮರಿ,
ಮರುಗಳಿಗೆ ಉರಿಗಣ್ಣ ಹೆಮ್ಮಾರಿ!
ಇವರೊಂದಿಗೆ ಏಗಲು ಆ
ಮಹಿಷಾಸುರನೇ ಸರಿ!

ಒಂದು ಕೇಜಿ ಹೆಣ್ತನ
ಕಸು ಒಂದು ಕಪ್,
ಸಣ್ಣಗೆ ಹೆಚ್ಚಿದ ಎರಡು
ದೊಡ್ಡಸೈಜಿನ ನಗೆಗಳು,
ಚಿಟಿಕೆ ಕೋಪ,
ಮುನಿಸು ರುಚಿಗೆ ತಕ್ಕಷ್ಟು,
ಶುದ್ಧ ರಿಫೈನ್ಡ್ ಲವಲವಿಕೆ
ಯಲ್ಲಿ ಹದಿನಾರುವರ್ಷ ಹದ
ವಾಗಿ ಹುರಿದರೆ
ತುಂಬುತ್ತದೆ ಕಣ್ಣು
ಧಾರವಾಡದ ಹೆಣ್ಣು!

ಧಾರವಾಡದ ಹೆಣ್ಣು
ದಾಳಿಂಬೆ ಹಣ್ಣು
ಜತೆಗಿದ್ದರೆ ಈ ಬದುಕು
ಓಹ್ ಅದೆಷ್ಟು ಚೆನ್ನು!

5 comments:

  1. ಈ ಬ್ಲಾಗ್ ಸಿಕ್ಕಿದ್ದು ಸಂತಸವಾಯ್ತು. ಚೆನ್ನಾಗಿ ಬರೆದಿದ್ದೀರಿ ಸ್ವಾಮಿ. 'ಮೈ ಸೂರಿ ನಲ್ಲಿ' ಶ್ಲೇಷೆ ಚೆನ್ನಾಗಿದೆ.

    ReplyDelete
  2. Dear Subrahmanya, thank you...

    ReplyDelete
  3. ವಾವ್ ವಾವ್... ಹೆಣ್ಣನ್ನು ನೋಡೋದಕ್ಕೂ, ನೋಡೋದನ್ನ ಚಿತ್ರಿಸೋದಕ್ಕೂ ಎಷ್ಟೊಂದು ವ್ಯತ್ಯಾಸವಿದೆ ಎನ್ನೋದು ಇವತ್ತೇ ತಿಳಿದದ್ದು. ಮುದಕೊಡುವ ಕವನ.

    ReplyDelete
  4. ಅಹ ಕನ್ನಡತಿ -
    ಕರುನಾಡಿನ ಸಮಸ್ತ ಭಾಗಗಳ ಹೆಣ್ಣಿನ ದೇಹ ಭಾಷ ಲಕ್ಷಣಗಳನ್ನು ಚೆನ್ನಾಗಿ ಹಿಡಿದಿಟ್ಟು ಬರೆದಿರುವಿರಿ....
    ಚೆನ್ನಾಗಿದೆ..
    ಇಷ್ಟ ಆಯ್ತು..

    ಶುಭವಾಗಲಿ..

    \|/

    ReplyDelete